कुठून कसे अचानक
काळे ढग जमून आले
सगळीकडे पसरला राखाडी प्रकाश
वस्तूंचे अंतरंग बदलणारा
उदास, हवाहवासा
खुर्चीत बसले पाय पोटाशी घेऊन
वाटले मला आता पंख फुटणार
पावसाचा थेंब पडला नाही
कोरे कागद घेऊन
हातात पेन धरून बसले
अक्षरे पेरांच्या टोकाशी आलेली
मनात आले खूप दाटून
कागदावर काही उमटेचना
सारे काही झाले पुन्हा लख्ख
व्हा पुन्हा तर्कशुद्ध बुद्धिनीष्ठ
मी उठले
या उजेडात आता
रोजचीच कामे करायला हवीत.
***************
प्रेम आणि मैत्री
यांच्यात फरक
कसा करता येईल?
प्रेम असेल तर
मैत्री असतेच (ना?)
मैत्री आहे
म्ह्णून प्रेम असेलच
असे नाही
विश्वास, हक्क,
आदर,
एकमेकांसाठी
नुसतं असणं
हे तर दॊन्हीतही
मग काय?
ओढ म्हणायची
ती?
प्रेमाला वेगळं
करणारी
की आणखी
काही?
प्रेम कुठेतरी
अव्यक्ताच्य़ा
प्रदेशात नेतं
का?
No comments:
Post a Comment